متردد في اتخاذ قرار متعلق بحياتك الشخصية أو المهنية أو المالية أو حتى العاطفية؟ مش عارف تمشي أي طريق؟ مفيش قدامك طُرُق ومش عارف ازاي مفروض تمهّد لنفسك طريق في جانب من حياتك؟

أنا أحمد، ومهتم اساعدك في إجابات الأسئلة دي وغيرها عن طريق الاستشارات الفردية (1:1 Consultations).

ـــــــــــــــ

— ليه ممكن تحتاج استشارة؟

أغلب الناس بيعانوا من:

1) كَترة الاختيارات -مش قلتها أو انعدامها- في كل جوانب حياتهم.

2) عدم قدرتهم على أخد القرار الأصح والأنسب لهم.

لكن ازاي تقرر وانت ميال لاختيار معين؟ وازاي تعتمد على عقلك لوحده في قرار مصيري وانت مش بتأتمنه -عقلك- على حاجات بسيطة؟ وازاي هتتصرف بناءً على الصورة الكاملة وانت مش شايفها؟

هنا تيجي أهمية استشارة شخص تاني، بيفكر بعقلانية، ومش ميال نفسيًا لأي قرار؛ فـ يساعدك تاخد أنسب قرار.

ـــــــــــــــ

— من المجالات اللي ممكن اساعدك فيها:

- 💰 التربح من معرفتك وخبراتك:

لو عندك هواية بتمارسها، أو مجال خبير فيه، أو تخصص بتحبه، أقدر أساعدك تحول معرفتك وخبرتك لمصدر دخل مجزي (Expertise Monetization).

- 𝕏 المحتوى والترويج الذاتي على X/Twitter:

وصّلت حسابي على X من 0 متابع إلى 9500 متابع في 4+ شهور، والمحتوى وصل لملايين المشاهدات، ومئات الالآلاف من التفاعلات (إعجابات - شير - حفظ - إلخ)، ووصلني عليه مئات من تعليقات ورسائل الشكر بشكل شبه يومي، واقدر اساعدك تصنع محتوى وتروج لنفسك وخدماتك وتوصل لنتيجة مشابهة مهما كان مجالك.

- 💻 الترويج الذاتي على LinkedIn:

على مدار سنين، ساعدت أصدقاء لي وعملاء اشتغلت معاهم في الترويج لنفسهم على لينكد إن والوصول لأهدافهم المهنية، سواء كانت الوصول لفرص وظيفية أفضل، أو بناء شبكة علاقات، أو يتعرفوا ويتميزوا في مجالاتهم، وغيرها من الفرص المهولة اللي بتجنيها من الترويج لنفسك بشكل صحيح على لينكد إن زي ما ممكن اساعدك.

- 📱 الترويج الذاتي على السوشيال عموما:

مش كل الناس بتستخدم لينكد إن أو تويتر بس، لكن تقريبًا كل الناس بتستخدم السوشيال ميديا، وده بيتيح لك (مهما كان مجال دراستك وعملك) فرص مهولة لو أحسنت اقتناصها.

لذلك هساعدك تختار المنصة (أو المنصات) المناسبة لك ولجمهورك، ونبني هوية رقمية جذابة، ونحط استراتيجية بسيطة لكن شديدة الفعالية لتواجدك الرقمي، وهعرفك ازاي تنشئ محتوى يفيد جمهورك ويساعدك تحقق أهدافك (مهما كانت ومهما كان مجالك).

- 🎓 إنشاء وإطلاق الكورسات التعليمية:

لو محترف مهارة معينة، أو عندك خبرة في تخصص أو مجالٍ ما، هساعدك تحول معرفتك وخبرتك لمنتج رقمي يساعد غيرك في حل مشاكله اللي انت عارف حلولها، وكمان يحقق لك مصدر دخل بدون مجهود كتير.

- 🤝 بناء وإدارة المجتمعات الرقمية

أسست وأدرت مجتمعات رقمية تضم من 18K إلى 80K عضو، وساهمت في إدارة مجتمعات بأكثر من 250K عضو. يمكنني إرشادك لبناء مجتمع رقمي نشط ومؤثر.

- 🎬 إنشاء محتوى مرئي Reels/Videos:

ساعدك عملاء وشركات اشتغلت معاهم ينشئوا محتوى مرئي (ريلز - شورتس - فيديوهات يوتيوب) يوصل لملايين المشاهدات بشكل دائم في مجالات مختلفة، وهساعدك تعمل نفس الشيء.

- 💼 استشارات مهنية:

لو محتار:

- ازاي تتميز في مجالك ولو كان متشبع؟

- تحدد مسار تعليمي ومهني تمشي فيه.

- إمتى تنتقل من الوظيف دي لغيرها؟

- ازاي تكتب الـCV بشكل مقنع؟

عندي خبرة 6+ سنين في مجال شغلي، وقدمت كورس كامل عن مجالات الشغل الديجيتال (برمجة - تصميم - إلخ) ساعد ناس كتير بدايةً من اختيار مجال شغل لتعلمه والبحث عن شغل فيه وما بعد كده، وهقدر اساعدك في كل المراحل دي وغيرها.

- ✍ تعلم واحتراف الكتابة الرقمية:

الإنترنت قائم على الكود البرمجي والميديا، ولو عايز يكون لك نصيب من كيكة الإنترنت (العلاقات - الأرباح - الشهرة - إلخ) من غير ما تتعلم البرمجة فـ عليك بالكتابة الرقمية.

على مدار سنين كتبت آلاف من قطع المحتوى شديد التأثير، اللي ساعد ملايين من الناس في الجوانب اللي كنت بتكلم عنها، وساعدني في تحقيق نجاحات من المذكورة فوق، واقدر اساعدك (مهما كان مجالك) تتعلم الكتابة الرقمية، وكتابة كل أنواع المحتوى القصير والطويل (بوستات - ثريدز - نشرات بريدية - اسكربتات فيديوهات - مقالات - وغيرهم)، وصولًا لجنيَك لثمار كتاباتك.

- 📈 تطوير نفسك وتحسين حياتك:

لو بتعاني مع مشاكل في:

- التسويف والكسل.

- تنظيم وقتك بفعالية.

- تبني العادات الإيجابية.

- التخلص من غيرها سلبية.

- انعدام الالتزام في حياتك.

- المقارنات المستمرة مع الغير.

- غيرهم من المشاكل…

فـ أقدر اساعدك في حل المشاكل دي وغيرها كتير؛ لأني على مدار سنين كنت بصنع محتوى عنها، يوثق للمشاكل دي في حياتي، ومساعدة غيري يحلوا نفس المشاكل، وساعدت آلاف من الناس على مدار سنين (تحديدًا 6 سنين من صناعة المحتوى في المجال ده).

- 🔐 إنشاء علاقة عاطفية صحية:

بتحلم بإنشاء وعَيش علاقة عاطفية صحية بناءة تحسن حياتك مش تزيدها تعقيدًا، ومش عارف ازاي تعمل ده في الزمن الحالي اللي كل شيء فيه مقلوب رأسًا على عقب؟

لو مش عارف:

- ازاي تختار زوجة صالحة؟

- تختارها بناءً على أي معايير؟

- ازاي تكون زوج وأب صالح؟

- ازاي تتخطى علاقة سابقة؟

- ازاي تختار الزوجة المناسبة؟

- أسئلة كتير غير دي..

هساعدك تعرف إجابات الأسئلة دي وغيرها؛ عشان تختار زوجة وأم صالحة لأولادك.

عندي شرط، وهو إن الاستشارات في الجانب ده هتتقدم للمقبلين على خطوبة وزواج فقط مش علاقات تاني تحت أي مسمى.

ـــــــــــــــ

— إيه تتوقعه من الاستشارة؟

الاستشارة قائمة على 5 مبادئ لا تهاون فيهم:

1- السرية التامة:

كل وأي شيء هتقوله مش هيخرج برّه نطاق الاستشارة أبدًا (إلا إن أذنت بشيء).

2- التركيز التام:

وقت الاستشارة مُركّز 100% على سماعك ومساعدتك انتـ/ـي فقط.

3- العملية التامة:

هتاخد نصائح وخطوات عملية تقدر تنفذها فورًا لحل مشكلة أو تعديل مسارك.

4- الصراحة التامة:

هقول لك اللي محتاج تسمعه ولو كنتـ/ـي مش حابب تسمعه لكنه الصالح لك.

5- الحرية التامة:

تقدر تتكلم عن أي شيء بحرية وبدون الخوف من أي أحكام مسبقة عليك أبدًا.

ـــــــــــــــ

— آراء المستفيدين السابقين:

"الاستشارة كانت مثمرة بشكل كبير، سمعتني كويس في كل حاجة قولتها، رتبت مشاكلي بشكل منظم و حلتها معايا بشكل عملي، قدمتلي نصائح صادقة ومنطقية وقابلة للتطبيق، ساعدتني اتخلص من أعباء معطلاني، فقدرت ابدأ افلتر زحمة أهدافي وارتبها، حاليا حاسة إني نفسيًا بقيت أهدى وعارفة أنا همشي في أنهي طريقي بكل تركيز".

— E. S.

. . .

" كانت تجربه جدا جميله ومثريه ، احمد ماشاءالله عليه ملم ومطلع على جميع الامور والمواضيع اللي ممكن تناقشه فيها او تكون تايه فيها ، يعطيك المفاتيح اللي انت تحتاجها واللي رايحه عن بالك عشان تبدا او تعدل او تحسن من وضعك بكل هدوء واستماعه جيد عشان يفهمك ويعطيك راحتك بالكلام والشرح ، الاكيد انها مو اخر استشاره معاه بدون تردد واتمنى له التوفيق والعون لانه قاعد يقدم شي عظيم جدا لأشخاص مثلي يحتاجون مساعدته".

— Abdulaziz F.

. . .

"بصراحة يا أحمد أنا ال كنت متوقعه منك لقيته بزيادة ، دا غير اني مشكتش ولو لحظة اني عارف بحجز مع مين وهلاقي إيه فيه ، ممكن ناس تختلف معايا لكن الواحد بيختار ال يناسبه مش الجامد - ودا مش تقليل انك مش جامد ولا حاجة والله - وانا من خلال متابعتي علي السوشيال ميديا ليك خلال سنة او اكتر حسيت انك حقيقي وشبهنا جداً ومش عايز تبيع منتج وخلاص ولكن هدفك الحقيقي المساعدة ونفع اكبر قدر ممكن وانا شوفت دا في الاستشارة

ولما حجزت معاك مشكتش ولو ذرة واحدة اني مش هلاقي ال عايزه ، فا شكراً ليك يا أحمد"

— Abdullah K.

. . .

"دخلت الاستشارة وأنا واثق هطلع بفائدة كبيرة منها. وده اللي وجدته بالفعل وأنا داخل ومحدد 9 محاور رئيسية نتكلم فيهم تخص شغلي في الديجتال ماركتنج وكتابة المحتوى، والحمد لله لقيت إجابات تفصيلية لكل اللي كان بيدور في دماغي.

وكمان التقرير اللي بتعمله وبستلمه بعد الاستشارة ممتاز جدا لأنه زي خريطة كده أو روشتة بمشي عليها. وكل ده بسعر أنا شايف أقل من اللي تستحقه وأقل من القيمة اللي حصلت عليها يكفي إنها رتبت لي دماغي".

— Mahmoud K.

. . .

"صراحه من افضل الاشخاص اللي اخذت معاهم استشاره كلامك جميل ومنطقي وبتعطي حلول وساعدتني كثيراً على حل المشكلات اللي عندي شكراً لوقتك وانصح اي احد محتار فحاجه او عندو مشاكل انو يكلم حضرتك".

— Bandar M.

. . .

"الاستشارة كانت لطيفة و حضرتك بالك طويل بتسمع الى قدامك مهما فضل يتكلم كتير و كنت قادر تفهم او تترجم النقطة الى كنت بتكلم فيها و ايه الى عايزة اوصله و الحلول كانت عملية بصراحة و واقعية و لما اترتبت ف خطوات الموضوع بقا احسن بالنسبالي."

— N. M.

ـــــــــــــــ

مستنيك في الاستشارة!